Cyflwyno adborth

Mae’r adborth rydyn ni wedi’i gael hyd yma gan bobl leol, perchnogion tir sefydliadau arbenigol wedi bod yn bwysig wrth i ni ddatblygu ein cynigion a’n hasesiadau.

Gallwch ddylanwadu ar ein cynigion o hyd, a hoffem gael eich adborth er mwyn i ni allu parhau i edrych ar ffyrdd o gadw’r effeithiau mor isel â phosibl. Dywedwch wrthym a oes unrhyw newidiadau y credwch y gallwn eu gwneud i’w gwella neu i leihau effeithiau ac, yn bwysicaf oll, pam.

Rydym ni’n gofyn am adborth ar y canlynol:

• Ein haliniad llwybr drafft, gan gynnwys lleoliadau arfaethedig y peilonau a rhannau o’r gwaith gosod ceblau o dan y ddaear.
• Unrhyw wybodaeth neu effeithiau y dylem eu hystyried wrth adolygu a datblygu ein cynigion.

Dim ond adborth am ein cynigion ni y gallwn ei ystyried, ac nid themâu ehangach fel cynhyrchu ynni na pholisïau'r llywodraeth.

Rydym ni wedi trefnu’r aliniad llwybr drafft yn bum rhan. Mae’r ffurflen adborth wedi’i threfnu’n adrannau tebyg, ac mae lle hefyd i ddarparu adborth ehangach sy’n benodol i’r prosiect cyffredinol.