Ein cynigion

Rydym ni’n cynnig cysylltiad 132kV newydd i gludo ynni glân ac adnewyddadwy o barc ynni Lan Fawr, Ceredigion, i is-orsaf newydd y National Grid yn Llandyfaelog, Sir Gaerfyrddin.

Yn dilyn ein hymgynghoriad cyntaf, rydym ni wedi datblygu ein cynigion i ymateb i adborth a’n hasesiadau parhaus.

Rydym ni wedi defnyddio’r rhain i lunio aliniad llwybr drafft, sy’n dangos lleoliadau arfaethedig y peilonau a’r seilwaith ychwanegol sydd ei angen arnom.

Mae ein cynigion yn cynnwys:

• Aliniad llwybr drafft sy’n dangos y lleoliadau arfaethedig ar gyfer peilonau, gan geisio cadw’r effeithiau mor isel ag y gallwn ar gymunedau a’r dirwedd.
• Aliniad llwybr drafft newydd ger Cwm-ann, fel ei fod ymhellach i ffwrdd o’r cartrefi a’r ysgol gynradd.
• Gosod ceblau o dan y ddaear yn ardal Bryn Myrddin i gydnabod ei harwyddocâd diwylliannol a hanesyddol.
• Gosod ceblau o dan y ddaear ger is-orsaf arfaethedig Llandyfaelog i helpu i reoli effeithiau gweledol mewn ardal lle mae seilwaith eisoes yn bodoli.