Pam mae angen y cysylltiad

Mae cryfhau capasiti’r grid yn allweddol i fynd i’r afael â’r argyfwng hinsawdd.

Bydd angen mwy o gapasiti grid er mwyn mynd i’r afael â’r argyfwng hinsawdd, i gysylltu datblygiadau adnewyddadwy newydd, i ehangu busnesau, ac i gefnogi’r gwaith o drydaneiddio ein systemau gwresogi a thrafnidiaeth.

Mae’r rhain yn heriau y mae Cymru’n eu hwynebu – heriau y mae angen mynd i’r afael â nhw ar frys, a heriau y mae Green GEN Cymru yn ceisio helpu i fynd i’r afael â nhw.

Mae llawer o ynni glân, adnewyddadwy yn cael ei greu yng Nghymru – yn enwedig o’r gwynt sy’n chwythu ar draws ein bryniau a’n mynyddoedd. Mae parciau ynni newydd wedi’u cynnig yng Nghymru, ond nid oes gan y rhwydwaith trydan presennol y capasiti i’w cysylltu.

Fel Gweithredwr Rhwydwaith Dosbarthu Annibynnol, rôl Green GEN Cymru yw darparu cysylltiad ar gyfer cynhyrchwyr ynni a defnyddwyr.

Heb gysylltiad, ni allai’r ynni adnewyddadwy a ddarperir gan y parciau ynni arfaethedig hyn fod ar gael i gymunedau a busnesau, yn lleol nac yn genedlaethol.

Os na fyddwn yn uwchraddio’r rhwydwaith trydan presennol yn gyflym, mae perygl y byddwn yn methu cyrraedd targedau ynni adnewyddadwy ac yn methu â mynd i’r afael â’r argyfwng hinsawdd. Gallai prosiect Tywi Teifi chwarae rhan bwysig yn y gwaith o fynd i’r afael â’r pryderon hyn drwy ddarparu ynni glân, adnewyddadwy o ble mae’n cael ei gynhyrchu i’r cymunedau a’r busnesau sydd ei angen.