Amdanom ni
Darparu rhwydwaith ynni gwyrdd i Gymru.
Rydyn ni’n gweithredu nawr i adeiladu a gweithredu rhwydwaith ynni gwyrdd i Gymru, a fydd yn sicrhau bod 100% o ynni adnewyddadwy yn gallu cyrraedd ein cartrefi, ein hysbytai, ein hysgolion, ein busnesau a’n cymunedau.
Rydyn ni’n fusnes annibynnol sy’n tyfu’n gyflym sy’n cael ei ariannu 100% gan Grŵp Bute Energy a’i bartneriaid buddsoddi.
Rydyn ni’n chwarae rhan hollbwysig yn y gwaith o greu rhwydwaith mwy cadarn a dibynadwy – mewn dyfodol lle mae pob un ohonom yn dibynnu mwy ar drydan, wrth i ni symud oddi wrth nwy ac olew. Mae gennym weledigaeth o Gymru iachach a chyfoethocach sy’n defnyddio cynhyrchu ynni fel pŵer cadarnhaol i’r byd, i Gymru, i gymunedau lleol – i’r genhedlaeth hon ac i genedlaethau’r dyfodol.
Mae Bute Energy yn cynnig portffolio o Barciau Ynni ac mae Green GEN Cymru yn eu cysylltu, gan ymateb i her newid yn yr hinsawdd drwy ddatblygu rhwydwaith trydan adnewyddadwy cryfach a mwy gwydn sy’n fawr ei angen ar Gymru – gan ddosbarthu ynni glân a gwyrdd.
Mae potensial di-ben-draw i ynni adnewyddadwy yng Nghymru – yn enwedig o’r gwynt sy’n chwythu ar draws ein bryniau a’n mynyddoedd. Ond mae’r ynni gwyrdd hwn yn cael ei ddal yn ardaloedd gwyntog Cymru, ac mae angen i ni sicrhau ei fod yn cyrraedd y cartrefi, yr ysbytai, yr ysgolion, y busnesau a’r cymunedau sydd ei angen. Bydd Green GEN Cymru yn diwallu’r angen hwn.
Ein trwydded Gweithredwr Rhwydwaith Dosbarthu Annibynnol (IDNO).
Rydym yn falch o gyhoeddi ein bod wedi cael trwydded Gweithredwr Rhwydwaith Dosbarthu Annibynnol (IDNO) gan Ofgem.
Mae hwn yn gam pwysig yn ein amcan i ddarparu ynni adnewyddadwy ledled Cymru, gan ddarparu ynni glân, dibynadwy a chynaliadwy i'n cartrefi, ein busnesau a'n cymunedau. Mae trwydded IDNO yn ein galluogi i weithredu rhwydweithiau dosbarthu trydan a fydd yn cefnogi’r galw cynyddol am seilwaith ynni adnewyddadwy.
Animeiddiad o’r prosiect
Gwyliwch ein hanimeiddiad o’r prosiect i gael rhagor o wybodaeth am y prosiect, sut mae’n cysylltu â’r rhwydwaith trydan a pham ei fod yn hanfodol.
Mae eich dyfodol craffach, adnewyddadwy yn dechrau heddiw.
Eisiau cael y wybodaeth ddiweddaraf?
Cofrestrwch eich manylion cyswllt gyda ni os hoffech gael gwybod am ein prosiect.
Cofrestrwch yma